अकोला शहरातील कौलखेड परिसरात आढळलेल्या बिबट्या बद्दल मोठी बातमी...
अकोला- शहरातील कौलखेड परिसरात बिबट्या आढळल्याचे व त्याचे पायाचे ठसे आढळून आल्याचे स्थानिक राहिवास्यांनी तक्रारीत म्हटले होते. तसेच सोशल मिडियांवर (Facebook, Whatsapp) एक व्हिडीओ व्हायरल होत आहे परंतु हा व्हिडीओ जूना व दुसऱ्याच ठिकाणचा आहे, असे उपवनसंरक्षक अकोला वन विभाग अर्जुना के .आर. यानी म्हटले आहे. तसेच नागरिकांनी अफवावर विश्वास ठेवू नये, असे आवाहनही त्यांनी केले आहे.
शहरातील कौलखेड भागातील एस.टी.वर्कशॉप परिसरात बिबट्या प्राणी दिसून आल्याचे स्थानिकांनी म्हटले होते. त्याप्रमाणे वनविभाग व पोलिस कर्मचारी यांनी संयुक्तरित्या परिसरात पायी गस्त व जंगल परिसरात ड्रोन कॅमेऱ्याच्या सहायाने तपासणी केली असता वाघ किंवा बिबट सदृश्य प्राणी दिसून आलेला नाही.
तसेच मागील दोन-तिन दिवसापासून सोशल मीडिया व्हॉट्सॲप व फेसबुकवर शहरात वाघ दिसून आल्यचा व्हिडीओ व्हायरल होत आहे. व्हिडीओची पडताळणी केली असता व्हिडीओ जुना व दुसऱ्याचा ठिकाणचा असल्याचे निदर्शनास आलेले आहे. तरी नागरिकांना सतर्क राहून काही अनुचित प्रकार आढळून आल्यास घाबरुन न जाता वनविभागास कळवावे, असे आवाहन करण्यात आले आहे.
वायरल होत असलेला खालील video Fake
